Kevreañ
Beta

DiorroerienNoir ID war ho lec’hienn.

Noir ID a implij OpenID Connect skoueriek. Ho lec’hienn a gas an dud d’ar c’hevreañ herberc’hiet hag a resev ur sujed en distro. E-pad ar beta e enrollomp pep arval hon-unan.

Goulenn ur moned abred

Ar patrom
e c’hwec’h linenn

Skouer
OpenID Connect
Red
Kod aotren gant PKCE (S256)
Kevreañ
Herberc’hiet gant Noir ID, passkey da gentañ
Sujed
Dre goublad, unan evit pep arval
Adgalvoù
URLoù resis, hep joker
Aotreoù
A chom en ho produ

Peseurt patrom
a implij hoc’h arload

  • Arload web gant ur servijer

    Ho servijer a erounit ar red kod hag a vir ar jedouerioù (tokens). N’en deus ar merdeer nemet ur cookie estez suraet na dalv netra drezañ e-unan.

  • Arload hezoug pe burev

    Digorit ar c’hevreañ e merdeer ar reizhiad, biken en ur web view enframmet, ha resevit an disoc’h war hoc’h adgalv enrollet.

  • Servij ouzh servij

    An arvaloù mekanik a implij ar red Client Credentials, gant jedouerioù berrbad dezho o-unan.

Peder fazenn
evit kevreañ da vat

  1. Enrollit hoc’h arval

    Kasit deomp anv hoc’h arload hag e URLoù adgalv resis. Resevout a rit un anaouder arval (client ID), hag ur sekred ma en deus hoc’h arload ur servijer.

  2. Kasit an dud da gevreañ

    Adkasit d’ar poent aotren (authorization endpoint) gant hoc’h anaouder arval, an adgalv, ar scope, ur state dargouezhek hag ur challenge PKCE.

  3. Merit an adgalv

    Gwiriit ar state, eskemmit ar c’hod gant ar verifier PKCE, ha gwiriekait ar jedouer identelezh (ID token): sinadur, embanner, audience ha termen.

  4. Mirit ar sujed

    Diazezit hoc’h enrolladenn implijer war ar sujed a ro Noir ID en-dro. An hevelep hini e chom evit hoc’h arval, ha ne dalv netra e lec’h all.

Da betra e seblant ar reked

An talvoudoù etre < ha > a zo deoc’h. An embanner eo https://id.noir.bzh: lennit ar poentoù termen en e deul dizoloiñ (discovery document) e-lec’h o lakaat start er c’hod.

GET <authorization_endpoint>
  ?response_type=code
  &client_id=<your client id>
  &redirect_uri=https://app.example/callback
  &scope=openid
  &state=<random value>
  &code_challenge=<base64url(sha256(verifier))>
  &code_challenge_method=S256

Ar pezh na raio ket Noir ID

  • Ar redoù password pe implicit
  • URLoù adgalv gant joker pe klotadur darnel
  • Kevreañ enframmet en ho pajenn pe en un iframe
  • Enrolladur digor an arvaloù hep adwel
  • Divizout petra a c’hall un implijer ober en ho produ

A-raok mont enlinenn

  • Pep URL adgalv a zo enrollet resis evel ma vez implijet
  • Ar state ha PKCE a vez gwiriet da bep kevreadenn
  • Ar jedouerioù identelezh a vez gwiriekaet, ha n’int ket diskodet hepken
  • Ur c’hevreañ c’hwitet a vez meret evel ur c’hevreañ c’hwitet, ha neket evel un troc’h servij
  • Gouzout a rit penaos e tilec’hifec’h hoc’h implijerien ma kuitafec’h

C’hoant ho peusda enframmañ abred?

Lavarit deomp petra emaoc’h o sevel ha peseurt patrom a implij. An enframmadennoù kentañ a sikour da stummañ an embannadur kentañ.

Goulenn ur moned abred